ફેસબુક માર્ચમાં નવું ‘લોકેશન એપ’ લોન્ચ કરશે

જો તમે તમારા મિત્રોને તમારા લોકેશન વિશે વારંવાર જુઠ્ઠુ બોલતા હોવ તો ચેતી જજો. દુનિયાની સૌથી મોટી સોશિયલ નેટવર્કિંગ સાઈટ ફેસબુક ટૂંક સમયમાં જ યૂઝરનાં લોકેશનને બતાવનારી એપ્લીકેશન લોન્ચ કરવાની છે. સોશિયલ નેટવર્કિંગ સાઈટની આ નવી એપ્લિકેશનથી તમારા કોઈ પણ ફેસબુક ફ્રેન્ડ તમારું કરન્ટ લોકેશન જાણી શકશે.

આ એપ્લિકેશન એ સમયે પણ કામ કરશે જ્યારે તમે તમારા ફોનનો ઉપયોગ નહીં કરી રહ્યા હોવ. ફેસબુકનું નવું ‘લોકેશન એપ’ તમારા મિત્રને આ વિશે એકદમ ચોક્કસ જાણકારી આપશે કે તમે હાલ ક્યાં ફરી રહ્યા છો ફેસબુક આ પહેલા ‘ફાઈન્ડ ફ્રેન્ડ્સ’ નામનું એપ રજૂ કરી ચુક્યું છે.

એક રિપોર્ટ પ્રમાણે ફેસબુક નવા એપને માર્ચની મધ્યમાં રજૂ કરશે. નવા એપથી સોશિયલ નેટવર્કિંગ સાઈટને એ જાણવામાં મદદ મળશે કે યુઝર્સ ક્યાં વધારે જાય છે અને એનાથી વેબસાઈટની પબ્લિસિટીમાં પણ મદદ મળશે.

Via : Chitralekha.com